Мухлислар январда “Эль класико” кўрадиган бўлди

Sport

−

10 January 2025 visibility9054 timer1 minute

10 январга ўтар кечаси Испания Суперкубогининг иккинчи ярим финали доирасида Мадриднинг “Реал” клуби “Мальорка” билан баҳс олиб бориб, йирик 3:0 ҳисобида ғалаба қозонди ва турнирнинг финалига йўл олди.

Саудия Арабистонининг Жидда шаҳри мезбонлик қилган баҳсда Мадрид клубидан голларга Жуд Беллингем ва Родриго муаллифлик қилди. Ўйиннинг 90+2 дақиқасида “Мальорка” сардори Мартин Вальент ўз дарвозасини ишғол қилиб қўйди.

Энди “Реал” мусобақа финалида азалий рақиби “Барселона” билан тўқнаш келади. Ўйин 12 январь куни Тошкент вақти билан 23:55 да бошланади.

Эслатиб ўтамиз, аввалроқ “Барселона” “Атлетик Бильбао” тўсиғидан ўтиб, Суперкубок финалига йўл олгани хабар қилинганди.

Author