Мирзиёев Қозоғистон Президентини табриклади

Local

−

25 October 2024 visibility7204 timer1 minute

Ўзбекистон Президенти Шавкат Мирзиёев бугун, 25 октябрь куни Қозоғистон Президенти Қосим Жомарт-Тўқаевни Республика куни билан табриклади. Бу ҳақда Оқорда хабар берди.

Табрикда Қозоғистонда давлат ва жамият ҳаётининг барча жабҳаларида туб ўзгаришлар, кенг қамровли ва тизимли ислоҳотлар амалга оширилаётганини алоҳида таъкидланди. Шунингдек, Мирзиёев Қозоғистоннинг халқаро майдондаги нуфузи ортиб бораётганини ҳам қўшимча қилди.

Маълумот учун, 1990 йил 25 октябрь куни Қозоғистон ССРнинг мустақиллик декларацияси қабул қилинган.

Author