Мессининг футболкаси аукционда катта суммага сотилди
Sport
−
17 January 2023 10693 1 minute
Франциянинг ПСЖ клуби футболчиларнинг сўнгги ўйинларда кийган футболкаларини аукционга қўйди.
Қайд этилишича, Париж клубининг 17 нафар футболчиси кийими аукционда сотилган. Жумладан, аргентиналик ҳужумчи Лионель Мессининг “Анже”га қарши ўйинда кийган формаси хитойлик мухлис томонидан салкам 44 минг еврога харид қилинди.
Аукцион доирасида клуб ҳужумчиси Киллиан Мбаппенинг ҳам футболкаси каттагина суммага пулланди. Футболчининг “Ланс” ҳамда “Страсбург” жамоаларига қарши учрашувларда кийган кийимлари 15 минг евро атрофида сотилди.
Маълумот учун, Франция чемпионатида ортда қолган 19 та турдан сўнг ПСЖ 47 очко билан карвонбошилик қилмоқда.
Live
All
