Месси 12 йил ичида илк бор кетма-кет учта пенальтидан фойдаланолмади

Кеча, 16 август куни “Интер Майами” MLS мунтазам чемпионати доирасида сафарда “Нашвилл”га қарши учрашувда 1:4 ҳисобида мағлуб бўлди. Баҳсда аргентиналик Лионель Месси пеналтидан  фойдаланолмади.

Шу тариқа, Месси жорий мавсумда кетма-кет учта пенальтини голга айлантира олмади. Бу аргентиналик футболчи учун 2014 йилдан бери қайд этилган биринчи шундай ҳолат бўлди.

Баҳсда жамоа сардори Лионель Месси голли узатмани амалга оширди, аммо пенальтини голга айлантира олмади. Унинг зарбасини америкалик дарвозабон Брайан Швайк қайтарди.

Статистик маълумотларга кўра, Месси 2014 йилдан бери илк бор кетма-кет учта пенальтини голга айлантира олмади.

Бунга қадар 39 ёшли футболчи 2026 йилги Жаҳон чемпионатида Австрия (2:0) ва Миср (3:2)га қарши учрашувларда Аргентина терма жамоаси сафида пенальтидан гол ура олмаган эди.

Маълумот учун, Месси 2023 йил ёзидан буён “Интер Майами” шарафини ҳимоя қилиб келмоқда. Унинг клуб билан амалдаги шартномаси 2028 йил охиригача мўлжалланган.

“Transfermarkt” маълумотларига кўра, аргентиналик юлдузнинг айни пайтдаги бозор қиймати 15 миллион еврони ташкил этади.