“Маоши кескин ошади”. Романо “Сити” ва Ҳусановнинг янги келишувини эълон қилди

“Манчестер Сити” ўзбекистонлик ҳимоячи Абдуқодир Ҳусанов билан янги шартнома имзолашга келишиб олди. Бу ҳақда машҳур инсайдер Фабрицио Романо маълум қилди.

Манбага кўра, клуб Ҳусанов ва бельгиялик вингер Жереми Доку билан 2031 йилгача амал қиладиган янги шартнома бўйича келишувга эришган.

Қайд этилишича, “Ланс”дан “Манчестер Сити”га ўтган Абдуқодир Ҳусановнинг маоши сезиларли даражада оширилади. Шунингдек, унинг амалдаги шартномаси яна беш йилга узайтирилади. Ҳусановнинг “шаҳарликлар” амалдаги шартномаси 2029 йилгача мўлжалланганди.

Жереми Доку ҳам янги келишувнинг барча шартларига розилик билдирган. Яқин кунларда унинг ҳам 2031 йилгача мўлжалланган беш йиллик шартномаси расман кучга кириши кутилмоқда.

Маълумот учун, ўтган мавсум якунланганидан кейин жамоа бош мураббийи Пеп Гвардиола лавозимини тарк этди. Янги мавсумдан бошлаб “Манчестер Сити”ни Энцо Мареска бошқаради.

Эслатиб ўтамиз, аввалроқ “Transfermarkt” портали Абдуқодир Ҳусановнинг трансфер нархини 15 млн еврога кўтариб, 50 млн евро этиб белгилаганди.