Мактабларда баҳорги таътил қачон бошланиши маълум бўлди
Local
−
14 March 2022 18706 1 minute
Мактабларда III чоракнинг сўнгги куни 19 мартга тўғри келади ва IV чорак 28 март кунидан бошланади. Бу ҳақда Ҳалқ таълими вазирлиги Матбуот хизмати хабар берди.
Қайд этилишича, 19 март куни дарс машғулотлари тўлиқ олиб борилади.
Вазирлик хабарига кўра, баҳорги таътил 21 мартдан бошланади ва 7 календарь кун давом этади. IV чорак дарслари эса 28 март кунидан бошланади.
Маълумот ўрнида, Вазирлар Маҳкамасининг тегишли қарори билан тасдиқланган низомга мувофиқ, мактабларда баҳорги таътил 21 мартдан бошлаб, 7 календарь кун давом этиши белгиланган.
Эслатиб ўтамиз, Ўзбекистон халқи жорий йил Наврўз байрамида кетма-кет 5 кун дам олади.
Live
All