Магистратура мандати эълон қилинди

Олий таълим муассасаларининг магистратура босқичида ўқиш учун рўйхатдан ўтган 10 031 нафар фуқаронинг аризалари кўриб чиқилди. Бу ҳақда Олий ва ўрта махсус таълим вазирлиги маълум қилди.

“2022/2023-ўқув йили учун давлат олий таълим муассасаларининг магистратура мутахассисликларига қабул бўйича http://magistr.edu.uz электрон тизими орқали онлайн рўйхатдан ўтган 10 031 нафар фуқаронинг аризалари тўлиқ кўриб чиқилди”, дейилади вазирлик хабарида.

Жами қабул қилинган аризалар сони 5219 тани ташкил этди. Шундан:

•    хорижий тил сертификатига эгалар — 4582 та;

•    давлат стипендиантлари — 296 та;

•    кимё, биология ва информатика йўналишлари бўйича имтиёзли диплом эгалари — 159 та;

•    кимё, биология, физика ва информатика фан олимпиадалари ғолиблари — 12 та;

•    кўзи ожизлар тоифасига кирувчи аъло баҳоларга ўқиган битирувчилар — 170 та.

Талабгорлар магистратура қабул натижаларини magistr.edu.uz платформасидаги шахсий кабинети орқали билиб олиши мумкин.