“Ливерпуль” кейинги мавсум ЕЧЛда қатнашмайди
Sport
−
26 May 2023 4717 1 minute
“Ливерпуль” клуби Англия чемпионати турнир жадвалида “Манчестер Юнайтед”га етиб олиш ва АПЛнинг кучли тўртлигига кириш имкониятини йўқотди.
“Манчестер Юнайтед” чемпионатнинг 37-турида “Челси”ни мағлуб этди (4:1). МЮ 37 та турда 72 очко жамғарди. Юрген Клопп шогирдлари ҳисобида эса 66 очко мавжуд.
Немис мураббийи биринчи марта клубдаги тўлиқ мавсумида “Ливерпуль”ни Европа Чемпионлар лигасига олиб чиқа олмади.
Клопп 2015/16 йилги мавсумда “мерсисайдликлар”ни қабул қилиб олганди, ўшанда “Ливерпуль” АПЛда 8-ўринни эгаллаганди.
Клопп қўл остида “Ливерпуль” кетма-кет олти мавсум Европа Чемпионлар лигасига йўл олди. Мусобақанинг ушбу сегментида “қизиллар” уч марта финалга чиқди ва бир марта ғолиб бўлди.
Келгуси Европа Чемпионлар лигасида Англия шарафини “Манчестер Сити”, “Арсенал”, “Ньюкасл” ва “Манчестер Юнайтед” жамоалари ҳимоя қилади.
Live
All“Boysun do'ppisi” patentlandi
16 September
Ronal'd Kumanning ayoli 65 yoshida vafot etdi
16 September
