Кореяда қийин аҳволда қолган ўзбекистонликка ёрдам кўрсатилди
Local
−
10 June 2021 4951 1 minute
Жанубий Кореяда молиявий қийин аҳволда қолган бемор фуқарога ёрдам кўрсатилди. Бу ҳақда Ташқи меҳнат миграцияси агентлиги хабар бермоқда.
Маълум қилинишича, сурхондарёлик У.М. Корея Республикасига Е-9 визаси билан вақтинча меҳнат фаолиятини амалга ошириш учун борган. У Конгжу шаҳридаги “NC ONE CO.LTD” корхонасида ишлаётган вақтда саломатлиги ёмонлашиб, шифохонага ётқизилган. У ерда У.М.нинг ошқозони операция қилинган.
Мураккаб жарроҳлик операциядан сўнг молиявий қийин аҳволда қолган фуқарога Агентликнинг Квангжу шаҳридаги ваколатхонаси томонидан, Жамғарма ҳисобидан 1 миллион 500 минг вон (тахминан 1350 АҚШ доллари) миқдорида шифохона харажатлари учун молиявий ёрдам кўрсатилгани маълум қилинди.
Эслатиб ўтамиз, аввалроқ Россияда қийин вазиятда қолган 7 нафар ўзбекистонликка ёрдам кўрсатилганди.
Live
All