Ким Чен Ин АҚШ-КХДРнинг келажакдаги муносабатлари ҳақида гапирди
World
−
18 June 2021 6855 1 minute
Шимолий Корея ҳам АҚШ расмийлари билан диалог ўтказишга, ҳам юзага келиши мумкин бўлган қарама-қаршиликка тайёр бўлиши керак. Бу ҳақда Корея Халқ Демократик Республикаси етакчиси Ким Чен Ин Меҳнат партияси Марказий қўмитасининг ялпи мажлисида гапирган, деб хабар бермоқда “Yonhap” агентлиги.
Унинг сўзларига кўра, қарама-қаршиликка “тўлиқ тайёр бўлиш” керак.
Хабарда айтилишича, Ким Чен Ин АҚШнинг янги ташкил этилган маъмуриятининг КХДРга нисбатан сиёсий тенденциясини батафсил таҳлил қилган. Шунингдек, у Корея яриморолидаги вазиятни “барқарор назорат қилиш” учун ҳаракатларни амалга оширишга ҳам чақирган.
Эслатиб ўтамиз, жорий йил январь ойида Ким Чен Ин АҚШ КХДРнинг асосий душмани эканини айтганди. У давлатлар ўртасидаги муносабатлар Вашингтон душманлик сиёсатидан воз кечган тақдирдагина ўзгариши мумкинлигини маълум қилганди.
Live
AllOzon teshigi rekord darajada kengaydi
06 November
Oktyabrda inflyatsiya 0,6 foizni tashkil etdi
06 November
O'zbekistonda piyoz narxi nega oshgani aytildi
06 November
