Хўроз жангидаги жанжалда икки киши ҳалок бўлди
World
−
17 April 2023 23379 1 minute
АҚШнинг Гавайи штати Гонолулу шаҳрида ўтказилган ноқонуний хўроз жанги пайтида келиб чиққан жанжалда беш киши отиб қўйилди, улардан икки нафари ҳалок бўлди. Бу ҳақда “Fox News” хабар берди.
Қайд этилишича, шу йилнинг 14 апрель куни Гонолулудаги ноқонуний хўроз жанги вақтида одамлар ўртасида муштлашув содир бўлган. Тўқнашув вақтида 20 ёшли эркак 5 кишини отиб қўйган. Улардан 59 ёшли аёл ва 39 ёшли эркак касалхонага олиб борилганидан сўнг вафот этган. 38, 40 ва 57 ёшлардаги уч эркак эса шифохонага ётқизилиб, ёрдам кўрсатилган.
Полициянинг айтишича, отишма сабаблари ҳозирча маълум эмас.
“Мен бу вазиятни тушунмаяпман. Жанжал бутунлай бошқа нарсадан келиб чиққан бўлса керак ва улар бир вақтнинг ўзида бир ерда бўлишган”, дейди Гонолулу полиция департаменти лейтенанти.
Ҳозирда гумонланувчи қидирилаётгани маълум қилинган.
Live
All“Boysun do'ppisi” patentlandi
16 September
Ronal'd Kumanning ayoli 65 yoshida vafot etdi
16 September