Хитойда ҳибсланган фуқаро Ўзбекистонга қайтарилди
Local
−
22 May 2019 4586 1 minute
Хитойда қамоқда сақланаётган Ўзбекистон фуқароси озодликка чиқиб, Ватанга қайтди. Бу ҳақда Ташқи ишлар вазирлиги Матбуот хизмати хабар берди.
Ўзбекистоннинг Шанхай шаҳридаги (Хитой) Бош консулхонаси берган маълумотларга кўра Ўзбекистон фуқароси Х. Маҳкамов жорий йилнинг 17 май куни Хитойдан учиб кетган.
Илгари у Чанчжоу шаҳри (Сзянсу провинцияси) полицияси томонидан қўлга олиниб, мамлакатга кириш ва чиқиш тартиби тўғрисидаги қонунни бузганлиги – муддати ўтган виза билан Хитой ҳудудида бўлиб тургани учун қамоққа олинганди.
Бош консулхонанинг мазкур масалага аралашуви натижасида Хитой томони ҳукумат идоралари уни Ўзбекистонга қайтариш тўғрисида қарор қабул қилди.
Live
All
