Июль ойи қандай об-ҳаво билан бошланади?

Ўзгидромет 1-3 июль кунлари кузатиладиган об-ҳаво маълумотларини эълон қилди.

Унга кўра, Қорақалпоғистон Республикаси ва Хоразм вилоятида ҳаво бироз булутли, баъзи жойларда ўзгарувчан бўлади, ёғингарчилик кутилмайди. Шамол шарқдан 7-12 м/с тезликда эсади, 1 июль куни шамол 15-20 м/с гача кучайиши ҳамда чанг-тўзон кузатилиши мумкин. Ҳарорат кечаси 15-20 даража, кундузи 1 июлда 28-33 даража, 2 июлда 30-35 даража, 3 июлда 32-37 даража иссиқ бўлади.

Бухоро ҳамда Навоий вилоятларида ҳам ҳаво бироз булутли, айрим ҳудудларда ўзгарувчан бўлади, ёғингарчилик кутилмайди. Шамол шарқдан 7-12 м/с тезликда эсади, баъзи жойларда 13-18 м/с гача кучайиши, айрим жойларда чанг-тўзонлар билан кузатилиши мумкин. Ҳарорат кечаси 1 июлда 20-25 даража, 2-3 июлда 18-23 даража, кундузи 1-2 июлда 30-35 даража, 3 июлда 33-38 даража иссиқ бўлади.

Тошкент, Сирдарё, Жиззах ва Самарқанд вилоятларида ҳаво бироз булутли, баъзи-баъзида ўзгариб туради, ёғингарчилик кутилмайди. Шамол шарқдан 7-12 м/с тезликда эсади, айрим жойларда 13-18 м/с гача кучайиши, чанг-тўзонлар кузатилиши мумкин. Ҳарорат кечаси 1-2 июлда 20-25 даража, 3 июлда 18-23 даража, кундузи 1 ва 3 июлда 32-37 даража, 2 июлда 30-35 даража иссиқ бўлади.

Қашқадарё ва Сурхондарё вилоятларида ҳаво бироз булутли, айрим ҳудудларда ўзгарувчан бўлади, ёғингарчилик кутилмайди. Шамол шарқдан 7-12 м/с тезликда эсади, 1-2 июлда баъзи жойларда 13-18 м/с гача кучайиши, чанг-тўзонлар кузатилиши мумкин. Ҳарорат 1 июлда кечаси 23-28 даража, кундузи 36-41 даража, 2 июлда кечаси 22-27 даража, кундузи 34-39 даража, 3 июлда кечаси 20-25 даража, кундузи 34-39 даража иссиқ бўлади.

Андижон, Наманган ҳамда Фарғона вилоятларида ҳаво бироз булутли, баъзи жойларда ўзгарувчан бўлади, ёғингарчилик кутилмайди. Шамол шарқдан 7-12 м/с тезликда эсади, 1-2 июлда айрим жойларда 13-18 м/с гача кучайиши мумкин. Ҳарорат кечаси 20-25 даража, кундузи 1 июлда 32-37 даража, 2-3 июлда 30-35 даража иссиқ бўлади.

Республиканинг тоғли ҳудудларида ҳаво бироз булутли, баъзи жойларда ўзгарувчан бўлади, 1 июлда айрим ҳудудларда қисқа муддатли ёмғир ёғиши, момақалдироқ бўлиши мумкин. 2-3 июлда эса ёғингарчилик кутилмайди. Шамол шарқдан 7-12 м/с тезликда эсади, баъзи жойларда 13-18 м/с гача кучайиши мумкин. Ҳарорат кечаси 1-2 июлда 15-20 даража, 3 июлда 12-17 даража, кундузи 1 ва 3 июлда 23-28 даража, 2 июлда 20-25 даража иссиқ бўлади.

Эслатиб ўтамиз, аввалроқ Ўзбекистонда қачон аномал иссиқ бўлиши ҳақида прогнозлар очиқланганди.