Истанбулдаги икки йирик кўприк Ўзбекистон байроғи рангларида ёритилади
World
−
01 September 2021 15882 1 minute
Туркиянинг Истанбул шаҳридаги икки йирик кўприк Ўзбекистон Республикаси Мустақиллигининг 30 йиллигига бағишлаб Ўзбекистон байроғи ранглари билан ёритилади.
Таъкидланишича, бугун, 1 сентябрь куни Фотиҳ Султон Меҳмет ҳамда Шаҳидлар кўприги Ўзбекистон байроғининг яшил, кўк, қизил ва оқ рангларига безалади.
Мазкур визуал шоуни соат 20:00 дан эрталабга қадар кўриш мумкин бўлади.
Аввалроқ, АҚШ ва Канаданинг асосий диққатга сазовор жойи, дунёга машҳур Ниагара шаршараси ва Малайзия пойтахти Куала-Лумпур Ўзбекистон Мустақиллигининг 30 йиллиги шарафига мамлакат байроғи рангларида ёритилиши ҳақида хабар бергандик.
