Февралда 1 синф ўқувчилари учун қўшимча таътил берилади

−

07 January visibility6026 timer1 minute

Ўзбекистонда 1-синф ўқувчиларига февраль ойида қўшимча бир ҳафта таътил берилади. Бу ҳақда Вазирлар Маҳкамасининг 2017 йил 15 мартдаги 140-сонли қарори билан тасдиқланган низомда айтилган.

Низомга кўра, 1 синф ўқувчилари учун февраль ойи давомида қўшимча бир ҳафталик таътил белгиланади. Таътил муддати ҳар бир мактабнинг ўз педагогик кенгаши қарори асосида белгиланади.

Маълумот учун, мактабларда ўқув йили 2025 йилнинг 2 сентябрь кунидан бошланган ва 2026 йилнинг 25 май кунига қадар давом этади. Бунда ўқув йили давомийлиги 1 синфлар учун 33 ҳафтани ташкил этади.

Эслатиб ўтамиз, мактабларда қишки таътил ўтган йилнинг 28 декабридан бошланганди. 2026 йил 11 январь якшанба – дам олиш кунига тўғри келгани боис, III чорак дарслари 2026 йил 12 январдан бошланади.

Author