Файзуллаевга Европанинг топ клубларидан қизиқиш бор – манба
Sport
−
31 March 2025 6889 1 minute
Москванинг ЦСКА клуби ва Ўзбекистон миллий терма жамоаси вингери Аббосбек Файзуллаев топ-5 лигалари жамоалари эътиборига тушди. Бу ҳақда “Euro-football” нашри хабар берди.
Манбага кўра, 21 ёшли футболчига Европанинг бир нечта клублари қизиқиш билдирмоқда. Аммо ҳозирча ушбу жамоаларнинг номи ошкор қилинмаган. Аввалроқ, Файзуллаев Германиянинг “Бавария” клубига ўтиши ҳақидаги миш-мишлар тарқалган эди.
Маълумот ўрнида, жорий мавсум Файзуллаев ЦСКА сафида Россия Премьер-лигаси ҳамда Кубоги доирасида 28 та ўйинда майдонга тушиб, 3 та гол урди ва 7 та ассист амалга оширди. “Transfermarkt” портали ўзбекистонлик футболчининг қийматини 8 миллион еврога баҳоламоқда.
Эслатиб ўтамиз, аввалроқ, Туркиянинг “Галатасарой” клуби Файзуллаевга қизиқиш билдиргани ҳақида хабар берилган эди.
