Эрдўғаннинг ғалабасига UFC юлдузлари қандай реакция билдирди?

Sport

−

29 May 2023 visibility19330 timer1 minute

Кеча, 28 май куни Туркиядаги президентлик сайловининг 2-турида 52,14% овоз тўплаб, ғалабага эришган Ражаб Тойиб Эрдўғанни MMA олами юлдузлари ўз ижтимоий тармоқларида табриклади.

Енгил вазн тоифасида собиқ UFC чемпиони россиялик Ҳабиб Нумуҳаммедов ўзининг Instagram саҳифасида эр-хотин Ражаб Тойиб ва Эмине Эрдўғанлар билан тушган суратини жойлаб, “Биз ҳаммасини кузатиб турдик, табриклайман”, дея изоҳ қолдирган.

Унинг яқин дўсти ва шогирди енгил вазнда амалдаги UFC чемпиони россиялик Ислом Махачев эса Instagramʼига сайловдан хурсанд мусулмонлар акс этган видеони жойлаган ва изоҳларда Туркия байроғини қолдирган.

Шунингдек, британиялик UFC жангчиси Муҳаммад Мокаев ижтимоий тармоқдаги саҳифасига Эрдўған сўзлагани акс этган видеони жойлаган.

Муҳсинжон Умурзоқов

Author