Россияда ўзбекистонликлар ЙТҲга учради
World
−
20 December 2019 9773 1 minute
Бугун, 20 декабрь куни кечаси Россиянинг Рязань вилоятида юз берган йўл-транспорт ҳодисасида Ўзбекистон ва Қирғизистон фуқаролари жабрланди.
Вилоятнинг Путятин туманидан ўтувчи М-5 трассасининг 307-кмда Kia Rio ва Chevrolet Captiva тўқнашиб кетган. Қирғизистон фуқароси бошқарувчидаги Kia Rio Москвага қараб кетаётганда қарама-қарши томонга чиқиб кетган. Натижада Ўзбекистон фуқароси бошқариб кетаётган Chevrolet Captiva билан тўқнашган.
ЙТҲда Kia Rio автомобилининг ҳайдовчи ва йўловчиси ҳалок бўлган. Бундан ташқари, етти киши жабрланган. Уларни Шилов туманлараро тиббиёт марказига олиб кетишган.
