Дунёдаги энг кичик одам вафот этди
World
−
18 January 2020 19587 1 minute
Дунёнинг энг кичик одам деб тан олинган непаллик Хагендра Тапа Магар 28 ёшида вафот этди. Бу ҳақда Гиннесс рекордлар китоби сайтида маълум қилинди.
Магарнинг бўйи 67,08 сантиметр эди. У Покхара шаҳридаги шифохонада пневмония касаллигидан вафот этган.
У Гиннес рекордлар китобига 2011 йилда киритилган. Хагендра жамоатчилик эътиборига тезда тушган. Шу сабабли Непал ҳукумати ундан туризмни ривожлантириш учун фойдаланган. У 2011 йилда Непалнинг туризм соҳасидаги кўнгилли вакили этиб тайинланганди.
Энди ўзи мустақил ҳаракатлана оладиган дунёдаги энг кичик одам мақоми 70,21 см бўйга эга колумбиялик Эдуарду Ниньо Эрнандесга ўтди.
Live
All