“Дача”га бораётганлар огоҳлантирилди (видео)
Local
−
07 July 2025 54012 1 minute
Ўзбекистонликлардан мамлакатдаги меҳмон уйларига интернет орқали олдиндан тўлов қилишда шошилмаслик сўралмоқда. Бу ҳақда Тошкент вилояти Ички ишлар бош бошқармаси огоҳлантириш билан чиқди.
Билдирилишича, интернет орқали, айниқса Тошкент вилояти Бўстонлиқ туманининг тоғли ҳудудларидаги “дача”ларни банд қилиш учун олдиндан тўлов қилиш бўйича эълонлар жойлаштирилмоқда. Уларнинг орасида фирибгарлар ҳам ишонарли эълонларни жойлаштирмоқда. Суратлар ва видеолар ҳақиқий эълонлардан олинган бўлади.
Фарқи шундаки, фирибгарлар катта ва ҳашаматли уйларни жуда арзон нархда таклиф қилади. Мижозлари кўплигини, олдиндан тўлов қилиш зарурлигини таъкидлайди. Тўлов қилинган заҳоти бу ҳақдаги эълон ва чат ўчириб ташланади.
“Буларга алданмаслик учун фақатгина расмий сайтлардан фойдаланинг. Арзон нархдаги уйларга ҳеч қачон олдиндан тўлов қилманг”, дейилади хабарда.
Live
AllIspaniya migrantlarni Seutani tark etishga majbur qilish uchun ularni suv va o'tsiz qoldirmoqda
17:40
Toshkentdagi o'pirilib tushgan yo'l o'tkazgich qurilishida 7,4 mlrd so'm eb yuborilgani ayon bo'ldi
17:28
