Бугун UEFA Суперкубоги ғолиби аниқланади

Бугун, 12 август куни UEFA Суперкубоги учун Франциянинг ПСЖ ва Англиянинг “Астон Вилла” жамоалари ўртасидаги учрашув бўлиб ўтади. Баҳс Австриянинг Зальцбург шаҳридаги 30 минг томошабинга мўлжалланган “Ред Булл Арена” стадионида ўтказилади. 

Амалдаги Чемпионлар лигаси ғолиби ПСЖ ўтган мавсумда Европа лигасида ғолиб чиққан “Астон Вилла”га қарши майдонга тушади. Франция клуби учрашув фаворити ҳисобланмоқда, бироқ мавсумолди тайёргарликнинг қисқалиги ва таркибдаги муаммолар баҳсни олдиндан тахмин қилишни қийинлаштириши мумкин.

Ушбу жамоалар 2024-2025 йилги Чемпионлар лигаси чорак финалида ҳам тўқнаш келган. Унда ПСЖ Парижда 3:1 ҳисобида ғалаба қозонган бўлса, “Астон Вилла” жавоб учрашувида 3:2 ҳисобида устун келган. Бироқ икки ўйин натижасига кўра, парижликлар 5:4 ҳисобида кейинги босқичга йўл олган.

“Астон Вилла” ўтган мавсум Европа лигаси финалида Германиянинг “Фрайбург” жамоасини 3:0 ҳисобида мағлуб этиб, мусобақа ғолибига айланган. ПСЖ эса Чемпионлар лигаси финалида “Арсенал”ни пенальтилар сериясида 4:3 ҳисобида таслим этган.

ПСЖ кетма-кет иккинчи бор UEFA Суперкубоги учун курашади. Ўтган йили парижликлар “Тоттенхэм”га қарши баҳсда 2:0 ҳисобида ортда бораётган бўлса-да, ҳисобни тенглаштирган ва пенальтилар сериясида ғалаба қозонган.

Маълумот учун, учрашув Тошкент вақти билан соат 23:55 да бошланади.