Бугун қишки Осиё ўйинларининг очилиш маросими ўтказилади
Sport
−
07 February 2025 8559 1 minute
Бугун, 7 февраль куни Хитойнинг Харбин шаҳрида IX қишки Осиё ўйинларининг очилиш маросими бўлиб ўтади. Бу ҳақда Ўзбекистон Миллий Олимпия қўмитаси (МОҚ) матбуот хизмати хабар берди.
Баҳсларда 6 та спорт турида 24 нафар атлет билан қатнашиши кўзда тутилган Ўзбекистон делегациясини чанғи альпинизми бўйича терма жамоа аъзолари Жасур Шамсиддинов ҳамда Феруза Бобоқулова байроқдор сифатида бошлаб чиқади.
7 февраль тонгидан ўзбекистонлик спортчиларнинг Осиё ўйинларидаги иштироки ҳам бошланди. Шорт-трек бўйича Ўзбекистон терма жамоаси аъзоси Даниил Ейбог Ўзбекистон делегациясининг Харбин-2025 қишки Осиё ўйинларидаги иштирокини бошлаб берди. 1500 метр масофага кечган пойганинг чорак финалида қатнашган юртдошимиз 2:30:60 дақиқалик натижа билан ярим финалга йўл олди.
Live
All
