Бразилияда кунига литрлаб Coca-Cola ичган эркакнинг қовуғидан 35 та тош чиқди (видео)

north_east

Европанинг айрим давлатларида Coca-Cola расталардан олинмоқда

Бразилияда ҳар куни уч литр Coca-Cola ичишни одат қилган эркакнинг сийдик пуфагидан 35 та тош олиб ташланди. Бу ҳақда “Daily Mail” хабар берди.

Уни операция қилган шифокор газланган ичимликларни кўп ичиш хавфлилиги ҳақида огоҳлантириб, ўзининг Instagram саҳифасига пост жойлади. Уролог-шифокор Андраде ҳозиргача 9 миллион маротаба кўрилган видеосида шакарли ва газланган ичимликларни “ҳаддан ташқари” истеъмол қилиш буйрак тошларининг пайдо бўлишига олиб келиши мумкинлигини айтган. Видеода у томошабинларга ўзи олиб ташлаган бир нечта катта сариқ тошлардан иборат идишни кўрсатган.

Буйрак тошлари – бу сийдик йўлларида тўпланади, сийдик пуфагига ўтиб, оқибатда ўткир оғриқ, кўнгил айниши, қусиш, чимчилаш ёки қичишиш ва сийдикда қон пайдо бўлишига олиб келиши мумкин.

Агар даволанмаган бўлса, улар сийдик пуфагига кўчиб ўтиши ва буйрак етишмовчилиги ёки сепсис каби ҳаёт учун хавфли асоратларга олиб келиши мумкин.

Эслатиб ўтамиз, 2022 йилда Бирлашган Миллатлар Ташкилотининг Мисрда бўлиб ўтган Иқлим бўйича COP27 саммитининг ҳомийси бўлган Coca-Cola ичимликлар компанияси сўнгги тадқиқотларга кўра, кетма-кет бешинчи марта дунёдаги энг йирик пластик ифлослантирувчи деб топилганди. Унинг рақобатчиси Pepsi эса иккинчи ўринни эгаллаганди.