БМТ ва Буюк Британия иқлим ўзгариши мавзусида саммит ўтказади
World
−
24 September 2020 4476 1 minute
Жорий йилнинг 12 декабрь куни Буюк Британия ва Бирлашган Миллатлар Ташкилоти иқлим ўзгаришига қарши кураш мавзусида саммит ўтказади.
БМТ Матбуот хизматининг хабар беришича, учрашув Парижда иқлим тўғрисида имзоланган битимнинг беш йиллигига тўғри келади.
"Сўнгги тадқиқотлар шуни кўрсатдики, зарарли газлар концентрацияси рекорд даражага етган. Шу муносабат билан 12 декабрь куни ўтказиладиган саммитда БМТ Бош котиби Антониу Гутерриш ва Буюк Британия Бош вазири Борис Жонсон ҳамраислик қилади", дейилган БМТ хабарида.
Ташкилот тадбир юзма-юз ёки виртуал шаклда ўтказилишига аниқлик киритмаган.
Маълумот учун, Париж битими 2015 йил 12 декабрда Иқлим ўзгариши тўғрисидаги Асосий Конвенциянинг 21 конференциясидан сўнг қабул қилинган. Ҳужжат, хусусан, зарарли газлар концентрациясини камайтиришни назарда тутади.
Live
All“Boysun do'ppisi” patentlandi
16 September
Ronal'd Kumanning ayoli 65 yoshida vafot etdi
16 September