Бензиннинг ўртача нархи рекорд даражага етди

north_east

Президент ёқилғи нархини назорат қилишни буюрди

Қўшма Штатларда бензиннинг ўртача нархи кузатувлар тарихидаги йилнинг шу даври учун энг юқори даражага етди ва бир галлон (тахминан 3,8 литр) учун 4 доллардан ошди. Бу ҳақда ёқилғи нархларини кузатувчи GasBuddy хизматининг нефть бозорини таҳлил қилиш бўлими раҳбари Патрик Де Хаан ўзининг Х’даги саҳифасида маълум қилди.

Унинг таъкидлашича, ўтган йилларда мамлакат бўйлаб бензиннинг ўртача нархи 12 августдан кейин бир галлон (3,8 литр) учун 4 доллардан ошмаган. 

“GasBuddy маълумотларига кўра, мамлакат бўйича [бензин] ўртача нархи ҳозирда календар йилнинг ушбу даврида кузатувлар тарихидаги энг юқори даражага етди. Бу шуни англатадики, олдинги йилларда ўртача нарх 12 августдан кейин бир марта ҳам галлони учун 4 доллардан ошмаган”, деб ёзди Де Хаан. 

Сўнгги йиллар давомида АҚШда йилнинг бу фаслида ёнилғининг ўртача нархи ҳеч қачон 4 доллардан ошмаган. Биргина 2022 йилда мамлакатда бензиннинг ўртача нархи бир галлон учун ўша пайтдаги рекорд даражадаги 3,98 долларни ташкил этган. 

11 август куни АҚШ Энергетика вазирлиги 2026 йилда Brent маркали нефтнинг ўртача нархи прогнозини 6 фоизга – бир баррель учун 86,81 доллардан 81,91 долларгача оширди. Вазирликнинг таъкидлашича, АҚШ ва Эрон уруши туфайли блокланган Ҳормуз бўғози орқали нефть етказиб беришнинг қисқариши яқин ойларда жаҳон нефть захираларини янада камайтиради ва нархларни август ойининг биринчи ҳафталарида кузатилган даражага яқинлаштиради. Вазирлик, шунингдек, 2026 йилнинг учинчи чорагида Brent нефтининг ўртача спот нархи бир баррель учун ўртача 85 долларни ташкил этишини прогноз қилмоқда. Ёнилғи нархининг юқорилиги америкаликларнинг харажатларига жиддий таъсир кўрсатмоқда.

Россияда эса жорий йилнинг 4 августидан 10 августигача бензиннинг ўртача истеъмол нархлари 53 тийинга – бир литри учун 76,04 рублгача (тақрибан 92 цент), дизель 2 рубль 32 тийинга – 88,97 рублгача (тақрибан 1,07 доллар) пасайди.

AI-92 бензинининг ўртача нархи 60 тийинга пасайиб, литри учун 72,17 рублни (тақрибан 87 цент) ташкил этди. AI-95 бензинининг ўртача нархи 51 тийинга пасайиб, литри учун 78,21 рублни (тақрибан 94 цент) ташкил этди, AI-98 бензинининг ўртача нархи 47 тийинга ошиб, литри учун 101,78 рублни (тақрибан 1,23 доллар) ташкил этди.

2026 йил 4 августдан 10 августгача бўлган даврда автомобиль бензини нархининг ўсиши Россия Федерациясининг 28 та субъектида, энг кўпи Тверь вилоятида (+6,8%) қайд этилди.

Автомобиль бензини нархининг пасайиши Россия Федерациясининг 44 та субъектида, энг кўпи Доғистон Республикасида (-9,1%) учради. 

Москвада ўтган даврда автомобиль бензини нархи 0,2 фоизга пасайган, Санкт-Петербургда эса бензин нархи 0,1 фоизга ошган.