“Барселона” Родри бўйича келишувга эришди
Sport
−
11:02 662 1 minute
“Манчестер Сити” клуби ва Испания терма жамоаси ярим ҳимоячиси Родри “Барселона”га ўтишга яқин турибди. Бу ҳақда журналист Николо Скира хабар берди.
Манбага кўра, Каталония клуби футболчи билан шахсий шартнома борасида келишувга эришган. Томонлар 2031 йилнинг ёзига қадар мўлжалланган шартнома имзолаши кутилмоқда. Испаниялик футболчининг йиллик маоши тахминан 15 миллион еврони ташкил этиши мумкин.
Айни пайтда “Барселона” ва “Манчестер Сити” ўртасидаги музокаралар ҳам ижобий кечмоқда. Хабарларга кўра, Англия клуби Родри учун 60-70 миллион евро миқдорида таклиф тушса, трансферни маъқуллашга тайёр. Родрининг ўзи ҳам “Барселона”га ўтиш истагида.
Эслатиб ўтамиз, аввалроқ Испания терма жамоасининг 2026 йилги жаҳон чемпионатидаги ғалабасидан сўнг ОАВда футболчининг “Реал Мадрид”га ўтиши мумкинлиги ҳақида ҳам хабарлар тарқалган.
Live
All
