“Реал Мадрид” Родри учун илк расмий таклифини тайёрламоқда
Спорт
−
27 июл 882 1 дақиқа
Испаниянинг “Реал Мадрид” жамоаси “Манчестер Сити” клуби ярим ҳимоячиси Родрининг трансфери бўйича илк расмий таклифини тайёрламоқда. Бу ҳақда инсайдер Николо Скира маълум қилди.
Манбага кўра, Мадрид клуби 29 ёшли испаниялик футболчи учун 50–60 миллион евро атрофида таклиф билан чиқишни режалаштирган.
Хабар қилинишича, Родри “Реал Мадрид”га ўтиш истагини билдирган ва “Манчестер Сити”нинг шартномани узайтириш бўйича таклифини рад этган.
Шунингдек, футболчи “Реал Мадрид” билан шахсий шартлар бўйича келишувга эришгани ва 2030 йилгача мўлжалланган шартнома юзасидан ўзаро келишиб олгани айтилмоқда.
Энди “Реал Мадрид” трансфер суммаси борасида “Манчестер Сити” билан музокаралар олиб бориши керак бўлади.
Эслатиб ўтамиз, Родри Испания терма жамоаси билан 2026 йилги Жаҳон чемпионлигини қўлга киритди ва турнирнинг энг яхши футболчиси деб топилди.
Live
Барчаси
