“Барселона” Ливакович трансфери устида ишламоқда
Sport
−
12:38 338 1 minute
Испаниянинг “Барселона” жамоаси хорватиялик дарвозабон Доминик Ливаковичнинг трансфери бўйича “Фенербаҳче” билан музокара олиб бормоқда. Бу ҳақда “Sport.es” нашри хабар берди.
Манбага кўра, томонлар келишувга яқин. 31 ёшли дарвозабоннинг трансфери каталонияликларга бонусларни ҳисобга олмаган ҳолда тахминан 3 миллион евро тушиши мумкин.
Келишувга кўра, Ливакович 2027 йил ёзида “Барселона”га ўтишидан олдин Загребнинг “Динамо” клубида бир мавсум ижара асосида ўйнаши кутилмоқда.
Каталония клуби хорватиялик футболчини шартномаси келаси ёзда якунига етадиган Войцех Щеснининг ўрнига асосий номзод сифатида кўрмоқда. Жоан Гарсия эса жамоанинг асосий дарвозабони бўлиб қолади.
Эслатиб ўтамиз, аввалроқ “Барселона” жамоаси ўзининг собиқ дарвозабони Марк-Андре тер Штегенни Амстердамнинг “Аякс” клубига бир мавсум ижарага берганди.
Live
All