Баҳодир Жалоловнинг навбатдаги жанги санаси ва рақиби аниқ бўлди

Sport

−

13 June 2025 visibility14094 timer1 minute

Ўзбекистонлик супероғир вазн тоифасидаги боксчи Баҳодир Жалоловнинг (15-0, 14 KO) навбатдаги жанг санаси маълум бўлди. Бу ҳақда “Top rank” хабар беради.

Маълум бўлишича, Жалолов АҚШнинг Нью-Йорк шаҳридаги машҳур “Мэдисон Сквер Гарден”нинг кичик аренаси – Madison Square Theater’да италиялик Жанмарко Кардиллога (12-1-2, 2 KO) қарши рингга чиқади. Жанг жорий йилнинг 26 июль куни (Ўзбекистон вақти билан 27 июль тонгида) бўлиб ўтади. Жанг 10 раундга мўлжалланган.

Эслатиб ўтамиз, Баҳодир Жалолов ўзининг сўнгги жангини 5 апрель куни Остонада ўтказган ва профессионал фаолиятида биринчи марта рақибини нокаутга учрата олмаган эди. У украиналик Игорь Шевадзуцкийни (12-3, 10 KO) 10 раунд давом этган тўқнашувда ҳакамларнинг якдил қарори билан мағлуб этган.

Author