“Аякс” Тер Штеген билан шартнома имзолади

Sport

−

12:51 visibility437 timer1 minute

Амстердамнинг “Аякс” клуби Германия терма жамоаси дарвозабони Марк-Андре тер Штеген билан шартнома имзолади. Бу ҳақда клуб матбуот хизмати хабар берди.

Маълум қилинишича, 34 ёшли посбон жорий мавсум охирига қадар ижара асосида Нидерландия клубида тўп суради. Тасдиқланмаган хабарларга кўра, германиялик дарвозабоннинг 90 фоиз ойлигини каталонияликлар тўлайди.

Маълумот учун, Тер Штеген 2014 йилдан буён “Барселона” шарафини ҳимоя қилиб келган. У 2025-2026 йилги мавсумнинг иккинчи қисмини “Жирона”да ижарада ўтказди. Бироқ, жароҳати сабаб атиги икки учрашувда майдонга тушишга муваффақ бўлди.

“Аякс” эса ўтган мавсум Эредивизи чемпионатини бешинчи ўринда якунлаган. Жамоа Нидерландия Кубогида 1/8 финалгача етиб борган, аммо UEFA Чемпионлар лигаси саралаш босқичидан ўта олмаган.

Шу боис, Амстердам клуби янги мавсумда UEFA Конференциялар лигасида иштирок этади.

Author