“Арсенал” Англия терма жамоаси ҳимоячисини сотиб олди

Англия терма жамоаси ҳимоячиси Эзри Конса “Арсенал” футболчисига айланди. Лондон клуби 28 ёшли футболчининг Бирмингемнинг “Астон Вилла” клубидан трансферини расман эълон қилди. Бу ҳақда клуб матбуот хизмати хабар берди.

Хабарларга кўра, футболчи “Арсенал” билан узоқ муддатли шартнома имзолаган. Бироқ келишув муддати ва трансфернинг молиявий шартлари ошкор қилинмаган. Конса янги жамоасида 15-рақамли футболкада ҳаракат қилади. “Transfermarkt” портали футболчининг бозор қийматини 45 миллион еврога баҳоламоқда.

Конса профессионал фаолиятини “Чарльтон”да бошлаган, кейинчалик “Брентфорд” сафида тўп сурган. У 2019 йилдан буён “Астон Вилла” шарафини ҳимоя қилиб келаётган эди ва клуб сафида 200 дан ортиқ учрашувда майдонга тушган.

Маълумот учун, Конса Англия терма жамоаси сафида 28 та ўйин ўтказиб, 2 та гол урган. У 2026 йилги Жаҳон чемпионатида ҳам иштирок этган ва Англия терма жамоаси турнирни 4-ўринда якунлаган.