Арманистонда ҳарбий қисмдаги ёнғинда 15 киши ҳалок бўлди

World

−

19 January 2023 visibility5560 timer1 minute

Бугун, 19 январь куни Арманистондаги ҳарбий қисмлардан бирида ёнғин содир бўлди. Оқибатда 15 нафар ҳарбий хизматчи ҳалок бўлди. Бу ҳақда мамлакат Мудофаа вазирлиги Матбуот хизмати хабар берди.

“Ёнғин маҳаллий вақт билан тахминан соат 01:30 да Гехаркуник вилоятининг Азат қишлоғи ҳудудида жойлашган ҳарбий қисмда юз берган”, дейди вазирлик вакили Арам Торосян.

Шунингдек, яна уч нафар аскарнинг аҳволи оғир экани айтилмоқда. Ёнғин сабаблари ҳозирча аниқланмаган. Воқеа жойида ёнғинни ўчириш ишлари бошланган.

Author