Аргентина Мессисиз илк ўйинда мағлубиятга учради

Бугун, 14 ноябрь куни Месси терма жамоадан кетганидан сўнг Аргентина терма жамоаси илк ўртоқлик учрашувида майдонга тушди. Уругвай терма жамоасига қарши баҳсда аргентиналиклар 2:1 ҳисобида мағлубиятга учради.

Буэнос-Айрес шаҳридаги “Бомбонера” стадионида ўтказилган баҳс меҳмонларнинг 2:1 ҳисобидаги ғалабаси билан якунланди.

Иккинчи бўлим бошида, 48-дақиқада аргентиналик ҳимоячи Леонардо Балерди ўз дарвозасига тўп киритиб қўйди. 53-дақиқада эса уругвайлик Максимилиано Араухо ҳисобдаги фарқни икки карра оширди. Яна 20 дақиқа ўтгач, Хулиан Альварес ҳисобни қисқартиришга эришди. Учрашув якунига қадар ушбу ҳисоб сақланиб қолди.

Аргентина терма жамоаси учун бу Лионель Месси терма жамоани тарк этганидан кейинги илк учрашув бўлди. Эндиликда жорий йилнинг 18 ноябрь куни Аргентина терма жамоаси Коста-Рикага, Уругвай эса Доминикан Республикасига қарши майдонга тушади.

Эслатиб ўтамиз, аввалроқ Месси 2026 йилда АҚШ, Канада ва Мексикада бўлиб ўтган Жаҳон чемпионатидан сўнг Аргентина терма жамоасини тарк этишга қарор қилганди. У терма жамоа сафидаги сўнгги учрашувини октябрь ойида ўтказди. Ўшанда Аргентина Бенин терма жамоасини 3:0 ҳисобида мағлуб этган эди.