АҚШда собиқ ҳарбийнинг қатл этилиши жонли эфирда кўрсатилади

Кеча, 8 октябрь куни АҚШ Мудофаа вазири Пит Ҳегсет янги тарихда илк бор ҳарбий базада содир этилган жиноят учун собиқ аскар отиш орқали қатл этилишини маълум қилди. Бу ҳақда у “Real America's Voice” нашрига берган интервьюсида сўз очди. 

Қайд этилишича, 2009 йилда Форт-Ҳудда 13 кишини ўлдиргани собиқ армия майори Нидал Малик Ҳасан жорий йилнинг 3 декабрь куни қатл этилиши керак. Оқ уй унинг жиноятларини террорчилик ҳаракати деб атаган. Пентагон маросим тўғридан тўғри эфирда узатилишини билдирди.

АҚШда қарийб бир асрдан бери оммавий қатллар ўтказилмаган эди ва ҳукумат томонидан унинг онлайн трансляция қилиниши мисли кўрилмаган қадам жиддий бўлади.

“У лозим бўлганидек отиб ташланади. Одамлар шу каби ҳаракатлар учун жиддий оқибатлар кўзда тутилганини тушунишлари учун биз буни ҳамма кўра олишини ва у ошкора бўлишини таъминлаймиз”, дейди Ҳегсет.

Ҳасан Президент Дональд Трампга афв сўраб мурожаат қилгани ёки қилмагани ҳақидаги саволга Хегсет: “Биз у билан 3 декабрда кўришамиз”, дея жавоб берган.

Отишма содир бўлган вақтда армия тиббиёт корпуси психиатри бўлган Нидал Ҳасан 2013 йил августида ҳарбий судга топширилган, айбдор деб топилган ва ўлим жазосига ҳукм қилинган.

Маълумот учун, ҳарбий хизматчилар томонидан амалга оширилган сўнгги қатл 1961 йилда содир бўлган: армия сафидаг аскар Жон Беннетт зўрлаш ва қотилликка суиқасд учун осиб ўлдирилган. Ушбу қатллар чекланган гувоҳлар доирасида ўтказилган ва трансляция қилинмаган.

Нидал Малик Ҳасан – АҚШ армиясининг собиқ майори ва ҳарбий психиатр. 2009 йил 5 ноябрда у Форт-Ҳуд базасидаги ҳарбий хизматчиларни тайёрлаш марказида ўт очган. Ҳужум оқибатида 13 киши ҳалок бўлган, яна 32 киши жароҳат олган. Ҳасаннинг ўзи қўлга олиш пайтида яраланган ва ўшандан бери ногиронлар аравачасида ҳаракатланади.

Ҳужум пайтида Ҳасан Афғонистонга юборилишга тайёргарлик кўраётган бўлган. Суд жараёнида у америкалик ҳарбий хизматчиларнинг мусулмон мамлакатларидаги урушларда иштирок этишига қарши эканини айтган.

Эслатиб ўтамиз, аввалроқ АҚШ Президенти Дональд Трамп Нидал Ҳасанни отишма гуруҳи орқали қатл этишни маъқуллагани ҳақида хабар берилган эди.