АҚШда хитойлик жосус аёл ушланди. У Тайвань Президентининг ўғлини кузатган
World
−
18:39 1196 2 minutes
АҚШ Федерал қидирув бюроси (ФҚБ) Калифорнияда яшовчи 34 ёшли аёлни Хитой расмийлари топшириғига биноан Тайвань Президенти Лай Циндэнинг ўғилларидан бирини кузатганликда айблаб, ҳибсга олди. Бу ҳақда “Reuters” хабар берди.
Қайд этилишича, Хизер номи билан танилган аёл Ванъин Чжан кеча, 4 октябрь куни Лос-Анжелес халқаро аэропортида қўлга олинган. У Хитойга учиб кетиш арафасида бўлган. Чжанга хорижий давлатнинг рўйхатдан ўтмаган агенти сифатида фаолият юритганлик айби қўйилган.
ФҚБ маълумотларига кўра, Чжан 2025 йилда Хитой расмийлари топшириғи билан Сиэтл шаҳрига борган. У ерда Тайвань Президентининг ўғли ва унинг оиласини кузатиб, уларнинг фотосуратлари, видеолари ҳамда автомобиль давлат рақамлари ҳақидаги маълумотларни Хитой расмийларига юборган.
АҚШ Марказий Калифорния округи бўйича бош прокурорининг биринчи ёрдамчиси Билл Эссайлининг айтишича, Чжан қўлга тушмаслик учун махсус усуллардан фойдаланган ва хорижий ҳукумат топшириғи билан ишлаётганини АҚШ расмийларига маълум қилмаган.
Тайвань президентлик идораси Чжаннинг ҳаракатларини “трансмиллий репрессиянинг одатий ҳолати” деб атаган ва Тайвань фуқароларини ҳимоя қилгани учун АҚШ ҳукуматига миннатдорлик билдирган.
“Мамлакатимиз инсон ҳуқуқлари ва давлатлар суверенитетини менсимаcликка асосланган бундай ваҳшиёна хатти-ҳаракатларни қатъий қоралайди”, деган президентлик идораси вакили Карен Куо.
Хитой Ташқи ишлар вазирлиги “Reuters”нинг изоҳ сўраб юборган мурожаатига ҳозирча жавоб бермаган. Чжаннинг адвокати бор-йўқлиги ҳозирча номаълум. У эртага, 6 октябрь куни Лос-Анжелесдаги федерал судда иштирок этиши кутилмоқда.
Маълумот учун, Лай Циндэ ва унинг Демократик прогрессив партияси Тайваннинг Хитойдан алоҳида ўзига хослигини таъкидлаб келади. Пекин эса Тайванни Хитой ҳудуди деб ҳисоблайди. Лай Циндэ оролнинг келажагини фақат Тайвань халқи ҳал қилиши мумкинлигини айтади.
АҚШ Тайвань билан расмий дипломатик алоқаларга эга эмас, бироқ Вашингтон оролнинг энг муҳим халқаро ҳамкори ва асосий қурол етказиб берувчиси ҳисобланади.
Эслатиб ўтамиз, аввалроқ Хитой Ташқи ишлар вазирлиги вакили Тайвань АҚШ ёрдамида мустақилликка эриша олмаслигини айтганди.
Қайд этилишича, Хизер номи билан танилган аёл Ванъин Чжан кеча, 4 октябрь куни Лос-Анжелес халқаро аэропортида қўлга олинган. У Хитойга учиб кетиш арафасида бўлган. Чжанга хорижий давлатнинг рўйхатдан ўтмаган агенти сифатида фаолият юритганлик айби қўйилган.
ФҚБ маълумотларига кўра, Чжан 2025 йилда Хитой расмийлари топшириғи билан Сиэтл шаҳрига борган. У ерда Тайвань Президентининг ўғли ва унинг оиласини кузатиб, уларнинг фотосуратлари, видеолари ҳамда автомобиль давлат рақамлари ҳақидаги маълумотларни Хитой расмийларига юборган.
АҚШ Марказий Калифорния округи бўйича бош прокурорининг биринчи ёрдамчиси Билл Эссайлининг айтишича, Чжан қўлга тушмаслик учун махсус усуллардан фойдаланган ва хорижий ҳукумат топшириғи билан ишлаётганини АҚШ расмийларига маълум қилмаган.
Тайвань президентлик идораси Чжаннинг ҳаракатларини “трансмиллий репрессиянинг одатий ҳолати” деб атаган ва Тайвань фуқароларини ҳимоя қилгани учун АҚШ ҳукуматига миннатдорлик билдирган.
“Мамлакатимиз инсон ҳуқуқлари ва давлатлар суверенитетини менсимаcликка асосланган бундай ваҳшиёна хатти-ҳаракатларни қатъий қоралайди”, деган президентлик идораси вакили Карен Куо.
Хитой Ташқи ишлар вазирлиги “Reuters”нинг изоҳ сўраб юборган мурожаатига ҳозирча жавоб бермаган. Чжаннинг адвокати бор-йўқлиги ҳозирча номаълум. У эртага, 6 октябрь куни Лос-Анжелесдаги федерал судда иштирок этиши кутилмоқда.
Маълумот учун, Лай Циндэ ва унинг Демократик прогрессив партияси Тайваннинг Хитойдан алоҳида ўзига хослигини таъкидлаб келади. Пекин эса Тайванни Хитой ҳудуди деб ҳисоблайди. Лай Циндэ оролнинг келажагини фақат Тайвань халқи ҳал қилиши мумкинлигини айтади.
АҚШ Тайвань билан расмий дипломатик алоқаларга эга эмас, бироқ Вашингтон оролнинг энг муҳим халқаро ҳамкори ва асосий қурол етказиб берувчиси ҳисобланади.
Эслатиб ўтамиз, аввалроқ Хитой Ташқи ишлар вазирлиги вакили Тайвань АҚШ ёрдамида мустақилликка эриша олмаслигини айтганди.
