Абдуқодир Ҳусанов Ўзбекистоннинг энг қиммат футболчисига айланди

Кеча, 10 декабрь куни Франция чемпионатида тўп тепувчи футболчиларнинг трансфер нархи янгиланди ва ўзбекистонлик футболчи Абдуқодир Ҳусановнинг трансфер нархи 12 миллион еврогача кўтарилди. 

Европанинг бир нечта топ клублари қизиқиш билдираётган 20 ёшли ҳимоячининг аввалги трансфер нархи 5 миллион еврони ташкил этаётганди.

Шундай қилиб, Ҳусанов Аббосбек Файзуллаевни ортда қолдириб, Ўзбекистоннинг энг қиммат футболчисига айланди. Файзуллаевнинг трансфер қиймати 6 миллион еврога баҳоланган.

Қайд этиш жоиз, шу вақтга қадар “Transfermarkt” порталида қиймати энг кўп кўтарилган футболчи Виталий Денисов бўлган. Ўзбекистон терма жамоаси собиқ ҳимоячисининг қиймати ўз вақтида 7 миллион еврогача кўтарилган. 

Шунингдек, “Transfermarkt” томонидан Ўзбекистон чемпионатида тўп тепувчи футболчиларнинг ҳам қиймати янгиланди ва янгиланган нархларга кўра, “Насаф” посбони Абдувоҳид Неъматов 1,5 миллион евролик қиймат билан Ўзбекистон чемпионатида тўп тепаётган энг қиммат футболчига айланди.