11 йилдан кейин футболга қайтган Роналдиньо жамоаси билан ғалаба қозонди

Sport

−

image

Кеча, 15 ноябрь куни Италиянинг учинчи дивизионида иштирок этувчи “Равенна” жамоаси 14-тур доирасида ўз майдонида “Форли”ни 2:0 ҳисобида мағлуб этди.

Учрашувда Жулио Донати 36-дақиқада ҳисобни очди. 58-дақиқада эса Симоне Рабби жамоанинг иккинчи голини киритди.

“Равенна”нинг асосий таркибида 2005 йилги “Олтин тўп” соҳиби Роналдиньо ҳам майдонга тушди ва иккинчи бўлим аввалида захирага олинди. Бразилиялик собиқ футболчи июнь ойида клубга қўшилган. Шунингдек, у клубга сармоя ҳам киритган.

46 ёшли Роналдиньо учун мазкур учрашув 11 йиллик танаффусдан кейинги илк профессионал ўйин бўлди. У 2015 йилда футболчилик фаолиятини якунлаганини эълон қилган эди.

Ғалабадан сўнг “Равенна” 32 очко билан турнир жадвалида иккинчи ўринда бормоқда. “Форли” эса 15 очко билан 15-поғонадан жой олган.

Кейинги турда, жорий йилнинг 22 ноябрь куни “Равенна” сафарда “Ливорно” билан ўйнайди. “Форли” эса ўз майдонида “Реджиана”ни қабул қилади.


Rate Count

0

Rating

3

Rate this article

Share with your friends