Ҳиндистонда фейерверк заводи портлади. 20 га яқин одам ҳалок бўлди

World

−

13 February 2021 visibility4662 timer1 minute

Кеча, 12 февраль куни Ҳиндистоннинг Вирудунагар шаҳридаги (Тамил Наду штати) фейерверк ишлаб чиқариладиган фабрикада портлаш содир бўлди. Бу ҳақда "Times of India" маълум қилган.

Портлаш натижасида камида 16 киши ҳалок бўлган, 36 киши яраланган ва жароҳат олган.

Газетанинг ёзишича, портлаш кимёвий материалларни аралаштириш пайтида юз берган.

Ёнғин яқин атрофдаги иш жойларига ёйилган, натижада портлашлар узоқ вақт давом этган, шунингдек, қутқарувчиларнинг ҳам воқеа жойига яқинлашиши анча қийин бўлган.

Қайд этилишича, воқеа жойига 10 та ўт ўчириш бригадаси етиб борган. Ярадорлар шифохонага етказилган.

Author