Ҳарриснинг кампанияси 24 соатда рекорд даражада маблағ йиғди

АҚШ вице-президенти Камола Ҳаррис сайловолди кампаниясининг дастлабки 24 соатида 81 миллион доллар йиғди. Бу ҳақда “The New York Times” хабар берди.

Таъкидланишича, бу биринчи 24 соат ичида тарихдаги энг катта натижадир.

Кампания эълон қилинганидан кейинги дастлабки беш соат ичида АcтБлуе кичик донорлари учун платформада 27,5 миллион доллар йиғилган, бир неча соатдан кейин эса 55 миллион доллар тўпланган.

Ўшанда бу 2024 йилда бир кунлик тўпламларнинг рекорд миқдори эди.

Маълумот учун, бир кун ичида маблағ йиғиш бўйича аввалги рекорд 2020 йилда ўрнатилган эди. Ўшанда АҚШ Олий судининг энг кекса аъзоси Рут Бейдер Гинцбург вафотидан кейин 70,6 миллион доллар йиғилган. 

Эслатиб ўтамиз, Жо Байден 21 июль куни президентлик пойгасидан чиқишини эълон қилган ва вице-президент Камола Ҳаррисни Демократик номзодликка кўрсатганди. Президентнинг баёнотида у ваколат муддати тугагунга қадар хизматда давом этиш ниятида экани кўрсатилган.