Ҳабиб Конорнинг мағлубиятига изоҳ берди

Бугун, 24 январь куни Бирлашган Араб Амирликлари пойтахти Абу-Дабида бўлиб ўтган UFC 257 турнирининг асосий жангида ирландиялик Конор Макгрегор рақиби америкалик Дастин Пуарьега имкониятни бой берди.

Жангдан сўнг, Конорнинг ашаддий рақиби россиялик жангчи Ҳабиб Нурмуҳамедов Twitter саҳифасида ўз фикрлари билан ўртоқлашди.

This is what happened, when you change your team, leave the sparring partners who made you a champion and sparring with little kids, far away from reality.

— khabib nurmagomedov (@TeamKhabib) January 24, 2021

“Сени чемпионликка олиб чиққан ўз жамоангдан воз кечиб, спаринг-шеригингни ташлаб кетсанг ва келажаги реалликдан узоқда бўлган ёш болалар билан шуғуллансанг, якуни мана шунақа бўлади”, дейди Ҳабиб.

Бугун, 24 январь куни Абу-Дабининг “Жанглар ороли”да бўлиб ўтган UFC 257 турнирининг асосий картерида ўзбекистонлик Маҳмуд Муродов ҳам октагонга кўтарилди ва америкалик рақибини 3-раундда техник нокаутга учратиб, ғалаба қозонди.