... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

Фазлиддин Ғоибназаров уни кўпроқ эркаклар ғийбат қилишини айтди


12:50, 27.12.2016 Спорт
 3 355

Спортчи вазиятни баҳолар экан, ўша вақтларда эркаклардан кўпроқ аёлларнинг мардлигига қойил қолганини бот-бот такрорлади.

2016 йилнинг 5-21 август кунлари Бразилиянинг Рио-де-Жанейро шаҳрида ўтказилган XXXI ёзги Олимпиада ўйинларида олтин медални қўлга киритган  боксчи Фазлиддин Ғойибназаров “Qalampir.uz” сайти учун махсус интервью берди.
 
Интервью чоғида боксчи ижтимоий тармоқда мухлисаларидан бири билан тушган суратининг тарқалиб кетиши ва унинг ортидан чиққан миш-мишлар ҳақида гапирар экан, ўзбек аёлларининг мард эканига қойил қолганини, ғийбатни эса асосан эркаклар қилганини айтиб ўтди.
 
“Риодан эндигина келган кунларимиздан бири эди. Ёнимга бир қиз келиб, мухлис эканини айтди ва расмга тушишни илтимос қилди. Мен унга йўқ деёлмай, суратга тушишга рози бўлдим. Ўша вақтда вазият бундай тус олишини ким ҳам ўйлабди дейсиз? Бир неча кундан кейин бутун ижтимоий тармоқ ана шу суратни муҳокама қила бошлади. Ўйлашимча, одамлар орасида ғийбат қилишга гап топилмай турган экан шекилли, ҳамма шу суратга ёпишиб олди”, дейди спортчи.
 
Спортчи вазиятни баҳолар экан, ўша вақтларда эркаклардан кўпроқ аёлларнинг мардлигига қойил қолганини бот-бот такрорлади.
 
“Мен ўшанда аёлларимизнинг мардлигига қойил қолдим. Ўша қиз билан тушган суратимиз тарқалгач, ижтимоий тармоқдаги саҳифамга эркаклар турли ёқимсиз изоҳларни ёзиб қолдирган бир пайтда, аёлларнинг бунга ғаши келди. Улар, “бу юлдуз, бу эса мухлис” қабилида, эркак бўла туриб эркакни ғийбат қилаётган инсонларга ортиқча изоҳга ўрин йўқлигини исботлашди”.
 
 
Ғоибназаров бугунги ОАВлар ҳақида фикрини билдирар экан,  ТВ, радио, газета ва журналларда, интернет-нашрларда одамларни ташвишга солаётган мавзулар қолиб, миш-мишлар асосида ёзиладиган мақолалар кўпайиб кетганидан ҳайратда эканини ҳам яширмади.
 
ОАВда керакли, одамларни ташвишга солаётган мавзулар қолиб, санъаткорларнинг, умуман машҳур инсонларнинг бирор нуқсони, оиласидаги бирор кўнгилсиз ҳолат, кийиниши кабилар муҳокама қилиняпти. Тўғри, машҳур инсонлар ҳалқ эътиборида, аммо ҳамманинг шахсий ҳаёти, оиласи бор. Мана шу суратни ҳам ОАВ ходими тарқатиб юборган”, дейди боксчи.
 
Интервьюнинг тўлиқ шаклини тез орада “Qalampir.uz” сайтида ўқишингиз мумкин.
Умида Якубова
Фотомухбир Миржамол Абзалов

 

Теглар:Фазлиддин Ғоибназаров 

Дўстларингиз билан бўлишинг:


Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!