Jurnalist Irina Matviyenko o‘lim tahdidi tufayli O‘zbekistonni tark etdi

O‘zbekistonda zo‘ravonlikka qarshi kurashuvchi “Sukut saqlama” (“Nemolchi”) loyihasi asoschisi jurnalist Irina Matviyenko o‘lim tahdidi tufayli mamlakatni tark etishga majbur bo‘ldi. Bu haqda u Telegramʼdagi kanalida ma’lum qildi.

Uning qayd etishicha, aprel oyi oxirida unga tahdidli mazmundagi xabar kelgan. Xabarda noma’lum shaxs jurnalistni oy oxirigacha o‘ldirishga majbur bo‘lganini yozgan. Shuningdek, noma’lum kimsa u haqidagi barcha ma’lumotlarni bilishini aytgan.

“O‘lim tahdidini olganimdan keyin xatti-harakatlarim o‘zgardi. Men unga kimningdir ahmoq hazilidek munosabatda bo‘lishga harakat qildim, lekin pod’ezdga kirish, koridor bo‘ylab ofisga borish qo‘rqinchli edi. Men turmush o‘rtog‘imdan saytimizning biz ishlaydigan qismida chiroq yasashni, umumiy eshikka qulf osib qo‘yishni so‘radim. Yakuniy qarorni o‘tgan hafta psixolog bilan mashg‘ulotdan so‘ng qabul qildim. Uning so‘zlariga ko‘ra, xabarning uslubi psixopatnikiga o‘xshaydi. Bu bahorda odatdagidan ko‘ra ruhiy kasalliklarning ko‘p kuchayishi mavjud. Bu psixopat meni o‘ldirishi mumkin. Shuning uchun men bir necha haftaga mamlakatni tark etishim kerak deb o‘yladim”, deb yozgan Matviyenko.

Loyiha rahbarining ma’lum qilishicha, hozirda u Gruziyada bo‘lib, keyinchalik O‘zbekistonga qaytib keladi.