Jizzaxda 10 nafar o‘qituvchining soxta diplom bilan ishlayotgani aniqlandi
Jamiyat
−
17 aprel 2021 7168
Jizzax viloyatida 10 nafar o‘qituvchi soxta diplomlar asosida ishlayotgani aniqlandi. Bu haqda viloyat prokuraturasi xabar bermoqda.
Ma’lum qilinishicha, Sharof Rashidov tuman prokuraturasi tomonidan tuman XTBda o‘tkazilgan tekshiruv davomida Abdulla Qodiriy nomidagi Jizzax davlat pedagogika instituti, Nizomiy nomidagi Toshkent davlat pedagogika universiteti, Samarqand davlat universiteti va Guliston davlat universitetlarida tahsil olmagan 10 nafar o‘qituvchilar soxta diplomlar asosida ishlab kelayotganligi holati aniqlangan.
Holat yuzasidan Sharof Rashidov tuman prokuraturasi tomonidan Jinoyat kodeksining 228-moddasi bilan jinoyat ishi qo‘zg‘atilgan.
Hozirda tegishli tartibda dastlabki tergov harakatlari olib borilmoqda.
Live
Barchasi