“Jirona”ga qarshi o‘yin oldidan “Real” jiddiy yo‘qotishlarga uchradi
Sport
−
25 aprel 2023 3630
“Real” sardori Karim Benzema va darvozabon Tibo Kurtua jamoaning “Jirona”ga qarshi o‘yinini o‘tkazib yuboradi. Bu haqda “El Chiringuito” xabar berdi.
Ma’lum bo‘lishicha, Benzemada jarohat bor. U “Almeriya”ga qarshi o‘yingacha safga qaytishi kutilmoqda. Madrid klubining 30 yoshli darvozaboni esa oshqozonidagi muammolar tufayli “Jirona”ga qarshi o‘yinda ishtirok etmaydi.
Ispaniya chempionatining ortda qolgan 30 ta turidan so‘ng, “Real” 65 ochko bilan 2-pog‘onada bormoqda. “Jirona” esa 38 ochko jamg‘arib, 11-o‘rinni band etgan.
“Jirona” – “Real Madrid” uchrashuvi bugun, 25 aprel kuni bo‘lib o‘tadi. Start hushtagi Toshkent vaqti bilan 22:30 da chalinadi.
