Jammu va Kashmir: mustaqillik yoki Pokistonga qo‘shilish

Islomobod Hindiston rasmiylarining Jammu va Kashmir shtatining alohida maqomini bekor qilgan "noqonuniy xatti-harakatlari" ga javob berish uchun barcha imkoniyatlardan foydalanadi, dedi Pokiston tashqi ishlar vazirligi Bu haqda "RIA Novosti" xabar bermoqda. 

Hindiston prezidenti Ram Nat Kovind shtatning alohida maqomini bekor qiluvchi farmonni imzolagan edi. Tegishli qonun loyihasi parlamentga taqdim etildi. Aytish kerakki, Jammu va Kashmir shtati xalqaro hamjamiyat tomonidan tan olingan bahsli hududdir.

“Hindiston hukumati tomonidan amalga oshirilayotgan bir tomonlama qadamlar ushbu maqomni o‘zgartira olmaydi. Pokiston xalqaro nizoning ishtirokchisi sifatida ushbu noqonuniy qadamlarga qarshi turish uchun barcha imkoniyatlardan foydalanmoqda”, dedi Pokiston Tashqi ishlar vazirligi.

Aholisining aksariyati musulmon bo‘lgan Hindistonning Jammu va Kashmir shtatida hududning mustaqilligi yoki Pokistonga qo‘shilish tarafdori bo‘lgan faol ayirmachilar mavjud. 

Ayni paytda, Kashmirda Hindiston va Pokiston o‘rtasida rasmiy chegaralar mavjud emas - nazorat chizig‘i ikki davlat armiyasini ajratib turadi. Dehli Pokiston rasmiylarini qurolli ayirmachilarni qo‘llab-quvvatlashda ayblamoqda. Islomobod bu da’volarni rad etib, Kashmir aholisi o‘z huquqlari uchun mustaqil kurashayotganini aytmoqda.