Zelenskiy vaksina uchun million dollar va’da qildi
Olam
−
12 aprel 2020 5878
Ukraina Prezidenti Vladimir Zelenskiy COVID-19 koronavirus infeksiyasiga vaksina ixtiro qilgan odamga million dollar va’da qildi. Bu haqda Ukraina o‘y-joy xo‘jaligi qo‘mitasi rahbarining birinchi o‘rinbosari Viktor Lyashko ma’lum qildi.
“Men sizga sirni ochaman. Prezident bizning akademiklarga maktub yo‘llab, unda kim vaksina yoki dori yaratsa, million dollar olishini aytishimni so‘radi”, degan Lyashko.
Viktor Lyashko bu pullar qaysi fonddan olinishi unga qorong‘u ekanini qo‘shimcha qilgan.
So‘nggi ma’lumotlarga ko‘ra, Ukrainada 2777 kishi koronavirus yuqtirib olgan. Ularning 83 nafari vafot etgan va 89 nafari kasallikdan forig‘ bo‘lgan.
Live
Barchasi
