Zelenskiy Donbass ssenariylarini qayta ko‘rib chiqishni buyurdi

Milliy xavfsizlik va mudofaa kengashi yig‘ilishida Ukraina Prezidenti Vladimir Zelenskiy tegishli organlarga Donbassdagi vaziyatni hal qilishning beshta ssenariysini ko‘rib chiqishni buyurdi. Bu haqda bugun, 19 fevral kuni bo‘lib o‘tgan brifingda MDH kotibi Aleksey Danilov ma’lum qildi.

“2019 yil 5 dekabrda qabul qilingan Donetsk va Lugansk viloyatlarining ishg‘ol qilingan hududlariga nisbatan beshta ssenariy ko‘rib chiqilgan qarorga qaytish holati mavjud. Hozir yana ushbu beshta ssenariy ko‘tarildi va Prezident tegishli tuzilmalarga ko‘rsatma berdi: bularning hammasini ko‘rib chiqish, agar kerak bo‘lsa, yangi tahrir va qo‘shimchalar kiritish kerak”, deydi Danilov.

Uning so‘zlariga ko‘ra, yig‘ilishda Ukraina Qurolli Kuchlari Bosh qo‘mondoni Ruslan Xomchak, Mudofaa vazirligi razvedka bosh boshqarmasi boshlig‘i Kirill Budanov, tashqi razvedka xizmati rahbari Valeriy Kondratyukning Donbassdagi vaziyatga oid hisobotlari tinglangan. Shuningdek, yig‘ilishda oshkor etilmasligi kerak bo‘lgan bir qator qarorlar qabul qilingan.

Eslatib o‘tamiz, avvalroq Zelenskiy Donbassdagi qo‘shinlarning jangovar tayyorgarligini tekshirishni buyurgandi.