Zelenskiy Baydenning F-16 uchun ukrainalik uchuvchilarni tayyorlashga va’da berganini aytdi

Ukraina Prezidenti Vladimir Zelenskiy amerikalik hamkasbi Jo Bayden ukrainalik uchuvchilarni F-16 qiruvchi samolyotlarini boshqarishga tayyorlash uchun o‘quv missiyasini tashkil etishga va’da berganini aytdi. Bu haqda Zelenskiy kecha, 8 mart kuni CNN telekanaliga bergan intervyusida aytdi.

Zelenskiy bu yo‘nalishdagi ishlar tez orada boshlanishini ta’kidlab, Kiyevda Amerikaning F-16 qiruvchilariga katta ehtiyoj borligini ta’kidladi. U AQSH samolyotni topshirish bo‘yicha qarorni o‘zlari qabul qilishiga umid bildirdi.

Biroq Buyuk Britaniyaning Qirollik mudofaa tadqiqotlari instituti tahlilchisi Jastin Bronk F-16 samolyotlari yaxshi uchish-qo‘nish yo‘laklarini talab qiluvchi juda katta havo o‘tkazgichlari tufayli Ukraina uchun mos emas, degan fikrni bildirgan. Uning ta’kidlashicha, G‘arb davlatlari yetkazib berishi mumkin bo‘lgan eng yaxshi qiruvchi shved Gripen'i bo‘ladi.

Joriy yilning fevral oyida “The Washington Post” gazetasi Shvetsiya bosh vaziri Ulf Kristerssonning so‘zlariga tayanib, Ukrainaga qiruvchi samolyotlar yetkazib berish uchun xalqaro koalitsiya zarurligini yozgan edi.