“Yil odamlari” e’lon qilindi

2022 yilda “Yil odamlari” deb Mettyu Makkonaxi, Mila Kunis, Jennifer Xadson va Kvinta Bransonlar topildi. Ularga bunday e’tirof Amerika Qo‘shma Shtatlarining “People” jurnali tomonidan berilgan.

Qayd etish kerakki, jurnal o‘zining yillik ro‘yxatini kecha, 1 dekabr kuni e’lon qilgan. Bosh muharrir Vendi Naugl so‘zlariga ko‘ra, nomzodlar odamlarga yordam berishga harakat qilganlar orasidan tanlangan.

Taniqli Gollivud aktyori Mettyu Makkonaxi o‘zining tug‘ilib o‘sgan shahri Yuvaldda (Texas shtatida) sodir bolgan otishmadan keyin odamlarga yordam berdi. 

Aktrisa Mila Kunis esa ona vatani Ukrainaga ko‘mak berish uchun 37 million dollardan ortiq yordam puli to‘pladi va jamoatchilik e’tiboriga tushdi.

Amerikalik aktrisa va qo‘shiqchi Jennifer Xadson odamlar uchun ijtimoiy teleko‘rsatuv tashkil qildi. U EGOT maqomiga erishgan eng yosh ayol bo‘lgan. Ya’ni Xadson “Emmy”, “Gremmy”, “Oscar” va “Tony” mukofotlariga ega.

Yozuvchi va aktrisa Kvinta Brunson “Abbott Elementary” nomli avlodlar o‘rtasidagi chegaralarni yo‘qotadigan loyiha yaratgani uchun yilning “Eng yorqin odami” deb topilgan. Bu barcha yoshdagilar uchun komediyali loyihali hisoblanadi.

Ma’lumot o‘rnida, “People” jurnali birinchi marta yil odamini 4 nafar nomzodga berayotgani yo‘q. 2020 yilda ham mukofot 4 kishiga berilgan.