Yaponiya esladi hamda Putin va Trampni chaqiradi

Yaponiya atom bombasi qurbonlarini eslaydi: bundan 74 yil oldin Xirosima shahriga 13 dan 18 kilotonnagacha sig‘imli “chaqaloq” bomba tashlangan edi. 140 ming odam, asosan tinch fuqarolar halok bo‘ldi. Bu haqda “Vesti.ru” xabar qiladi. Xirosima shahri bombardimon qilganidan uch kun o‘tgach, amerikaliklar Nagasakiga bomba tashladi, natijada yana 74 ming kishi halok bo‘ldi. 

Mahalliy vaqt bilan ertalabki soat 8 da  shaharning Tinchlik bog‘ida xotira marosimi boshlandi. Soat 8:15 da - shahar ustida bomba portlagan paytda bir daqiqa sukut saqlandi. Marosimda Yaponiya Bosh vaziri Sinzo Abe, Xirosima shahar meri Kadzumi Matsui, 90 ta mamlakat diplomatlari va Yaponiya rasmiy vakillari ishtirok etdi.

Matsui o‘z nutqi davomida Yaponiya nomidan bayonot berdi. U bunday fojialar hech qachon takrorlanmasligi kerakligini ta’kidladi. Xirosima shahridan yadro va vodorod qurollaridan aziyat chekkanlarni birlashtirgan Umumjahon yapon tashkilotlari uyushmasining vakili Toshiyuki Mimaki ham bunga intilmoqda. U "xibakusya" - atom bombasidan omon qolgan odam. Fojia paytida u Xirosima yaqinida yashagan bo‘lib, uch yoshda edi.

Toshiyuki Mimaki Rossiya prezidenti Vladimir Putin va AQSH prezidenti Donald Trampni yadroviy hujum qurbonlari xotirasiga bag‘ishlangan muzeyga tashrif buyurishga chaqirdi. Dunyoning ikki buyuk davlati, Amerika va Rossiya dunyoni himoya qilishi kerak, deydi Mimaki. Ular yetakchilikni namoyish qilishi va dunyoni tahdiddan himoya qilishi kerak.